२०७८ श्रावण १७, आईतवार
August 1, 2021, Sunday

सुजंङ्ग अस्पतालको उपचार पछि निःसन्तान दम्पतीले सन्तान पाउँदै

डोटी- शिखर नगरपालिका–७ का एक दम्पतीले विवाह गरेको २० वर्ष पछि सन्तान पाउँने भएका छन् । सन्तान प्राप्तीका लागि नेपाल तथा भारतका विभिन्न अस्पतालमा उपचारका लागि पुगेको सो जोडिको चाहना २० वर्ष पछि पुरा हुँदैछ ।

माघ महिनामा सन्तान नहुने समस्या ल्याएर सुजंङ्ग अस्पतालमा उपचारका लागि पुगेकी ३५ वर्षीय महिला र ४० वर्षीय पुरुष (दम्पती) को उपचार पछि अहिले दुई महिना (८ हप्ताको ) गर्भ बसेको छ । ‘विवाह भएको २० वर्ष भयो । उपचारका लागि भारतमा दुई पटक गयौं । नेपालमा पनि देखायौं । देवी देवताको पनि भाकल गरेउ,‘महिलाले भनिन्,‘बच्चा बसेन । अव त सन्तान पाउँछौं भन्ने आशै मरेको थियो । आज चेक गर्दा दुई महिनाको बच्चा छ भनेपछि खुसि लागेको छ ।’

उनि जस्तै सायल गाउँपालिका–५ की ३० वर्षीय महिलाले पनि सुजंङ्ग अस्पतालको उपचार पछि सन्तान पाउने भएकी छिन् । विवाह गरेको लामो समय सम्म गर्भ नबसेपछि उनि पनि उपचारका लागि अस्पताल पुगेकी थिइन् । सुरुमा बच्चा भएर पछि गर्भ नवस्ने समस्या भएकी आदर्श २ की ४० वर्षिय एक महिलाले पनि उपचार पछि सन्तान प्राप्त गर्ने भएकी छिन् । पछिल्लो समय मात्रै १२ जना महिलाहरुमा उपचारपछि गर्भ बसेको अस्पतालले जनाएको छ । हाल सम्म अस्पतालमा निःसन्तानको समस्या भएका एक सय बढी जोडीहरु उपचारका लागि आएकाछन् । ति मध्य धेरै जसो गर्भ वसेपछि थप उपचारका लागि अस्पताल आउँदैनन् तर उपचारपछि गर्भ वसेका महिलाहरुले पटक–पटक चेकजाँच गराउन आवस्यक रहने डाक्टर बताउँछन् ।

महिला तथा पुरुषमा भएको विभिन्न समस्याका कारण निःसन्तानको समस्या आउने र उपचार पछि धेरैले सन्तान प्राप्त गर्नसक्ने सुजंङ्ग अस्पतालका वरिष्ठ प्रसुती तथा स्त्रीरोग (निःसन्तान) विशेषज्ञ एम.बि.बि.एस. एम.डी डक्टर पंकज प्रतावले बताए । विवाह गरेको २० वर्षसम्म सन्तान नभएका जोडीमध्य दुबैमा समस्या भएको र उपचारपछि गर्भबसेको बताए । प्राइमरी इनफटेलिटी भएकाहरुमा समेत उपचार विधि सफल भएको उनले बताए ।

निःसन्तानको समस्या भएका जोडीहरुको सफल उपचार हुन थालेपछि दैनिक बिरामीहरु आउने गरेको अस्पतालले जनाएको छ । अस्पतालले अप्रेसनद्वारा सुत्केरी गराउने, पाठेघरको अप्रेसन, निसन्तान दम्पत्तिको उपचार तथा परामर्श, सन्तानको रहर पुगेका दम्पतीहरुको भ्याक्सेटोमी मिनिल्याब सेवा दैनिक रुपमा दिँदै आएको अस्पतालका प्रशासन प्रमुख अर्जुन बालयरले बताए । अस्पतालमा यस बाहेक हाडजोर्नी, नसारोग, ओपिडी सेवा सहित रङ्गिन भिडियो एक्सरे, इसिजी, कम्पुटर डिजिटल एक्सरे , आधुनिक ल्याब सेवा उपलब्ध रहेको बलयारले बताए ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ चैत्र १०

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ चैत्र १०

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ चैत्र १०

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP