उद्योगपति विनोद चौधरीलाई कोरोना संक्रमण

उद्योगपति तथा सांसद विनोद चौधरीलाई कोरोना संक्रमण पुष्टि भएको छ। उनी आफैंले केही बेरअघि ट्विट गर्दै यो जानकारी दिएका हुन्।

चौधरीले आज बिहान आफ्नो पीसीआर परीक्षणको रिपोर्ट पोजेटिभ भएको उल्लेख गरेका छन्।

यद्यपि आफूलाई कोरोनाको कुनै लक्षण नदेखिएको र डाक्टरको सल्लाहअनुसार आइसोलेसनमा रहेको उनले जानकारी गराएका छन्।

आफ्नो सम्पर्कमा आएकालाई सचेत हुन पनि चौधरीले आग्रह गरेका छन्।