हिमशिखर बहुउद्येश्यीय सहकारी संस्थाको अध्यक्षमा धन बहादुर शाही

डोटी– हिमशिखर बहुउद्येश्यीय सहकारी संस्था लिमिटेडको अध्यक्षमा धनबहादुर शाही चयन भएकाछन् । संस्थाको १२औं वार्षिक साधारण सभा तथा चौथो अधिवेसनबाट शाहीको नेतृत्वमा नयाँ सञ्चालक समिति सर्वसहमत चयन गरिएको हो ।

डोटीको सफल र नुमना सहकारीका रुपमा परिचित उक्त सहकारीको उपाध्यक्षमा बासुदेव जोशी, सचिवमा भरत बहादुर कठायत, कोषध्यक्षमा खडक बहादुर शाही चयन भएकाछन् । त्यस्तै सहकारीको सदस्यहरुमा गोविन्द जोशी, सर्वजित देउवा, लक्ष्मी श्रेष्ठ, नरबहादुर खड्का, सुरेन्द्र प्रशाद श्रेष्ठ चयन भएका छन् ।

संस्थाको लेखा संयोजकमा शंकर बहादुर कठायत, सदस्यहरुमा रविन्द्र बागचन्द, रमेश अवस्थीलाई चयन गरिएको छ ।

सहकारीका निवर्तमान अध्यक्ष खेमराज भण्डारीको अध्यक्षतामा सुरु भएको वार्षिक साधारण सभामा जिल्ला सहकारी संघका अध्यक्ष लोक बहादुर बोहरा प्रमुख अतिथि रहेका थिए । लेखा समिति संयोजक गोविन्दराज जोशीले स्वागत गरेको उक्त कार्यक्रमको सञ्चालन सहकारी सञ्चालक समितिका सचिव खडक शाहीले गरेका थिए । कार्यक्रममा निवर्तमान अध्यक्ष भण्डारीले वार्षिक प्रतिवेदन पेश गरेका थिए ।

डोटीको प्रमुख व्यापारिक केन्द्र दिपायलमा २०६५ सालमा पाँचजना शेयर सदस्यले सुरुवात गरेको हिमशिखर अहिले डोटीको सफल सहकारी बनेको छ । सहकारीसंग हाल छ सय १० जना शेयर सदस्यहरु छन् ।