२०७८ श्रावण १७, आईतवार
August 1, 2021, Sunday

शिखर नगरपालिका अन्तरगतका दुई विद्यालय समायोजन

डोटी- शिखर नगरपालिका अन्तरगतका दुई विद्यालय समायोजन गरिएको छ । समायोजना गरिएको विद्यालयको एक कार्यक्रमका बीच बुधबार उद्घाटन गरिएको छ ।

नगरपालिकाको वडा नं. ३ अन्तरगतका डाणाबाग आधारभुत विद्यालय र अमरज्योती आधारभुत विद्यालय समायोजन गरिएको हो । दुबै विद्यालय समायोजन गरेर डाणाबाग अमरज्योती आधारभुत विद्यालय नामांकरण गरिएको छ ।

समायोजन गरिएको उक्त विद्यालयमा एक सय छात्र छात्रा भर्ना भएका छन् । विद्यार्थी संख्यो अझै बढ्न सक्ने विद्यालयका प्रधानाध्यापक सीता जोशीले वताईन् । शिखर नगरपालिकामा समायोज भएको यो पहिलो विद्यालय हो ।

कार्यक्रममा बोल्दै नथगर प्रमुख सिताराम जोशीले विद्यालय समायोजन पछि विद्यालयको शैक्षिक तथा भौतिक गुणस्तरमा बृद्धि हुने र राज्यको स्रोत पनि कम खर्च हुने विश्वास व्यक्त गरे । उनले शिक्षा नीति अनुसार नगरका अन्य विद्यालयहरु पनि समायोजन गरिने तयारी भएको बताए । समायोजन भएका विद्यालयलाई नगरपालिकाले विशेष प्राथमिकामा राख्ने बताउँदै नगर प्रमुख जोशीले भने,‘विद्यालयको सुधारको लागि शिक्षक, व्यवस्थापन समिति र अविभावकले पनि लाग्नु पर्दछ । नगरले पनि समायोज भएका विद्यालयको समग्र विकासका लागि प्राथमिकता दिनेछ ।’

नगर उप–प्रमुख धौली देवी रावलले विद्यालय सुधार र शैक्षिक गुणस्तर उकास्नका लागि शिक्षकको विशेष भूमिका रहेको बताइन् । घरमा आफ्ना बालबालिको ख्याल गर्नु र स्कूलको समेत ख्याल गर्नु पर्ने अविभावको भुमिका रहेको बताउँदै उप–प्रमुख रावलले विद्यालय सुधारका लागि नगरपालिका लागिपरेको बताईन् ।

वडा नं ३ का अध्यक्ष प्रसाद जोराले समायोजन पछि भौतिक तथा शिक्षक दरबन्दीको खाँचो रहेकाले नगरपालिकासँग सहकार्य गर्दै सहयोगका लागि पहल गर्ने बताए ।

विद्यालय समायोजन कार्यक्रम अन्तरगत शिखर नगरपालिकामा पहिलो पटक विद्यालय समायोजन गरिएकाले सकारात्मक सन्देश दिएको बताए शिक्षा शाखा संयोजक शेरबहादुर कार्कीले बताए । उनले विद्यालय समायोजन पछि विद्यालयको शैक्षिक भौतिक सुधारका लागि स्थानीय अभिभावक र शिक्षकको महत्वपूर्ण भूमिका रहने बताए । कार्कीले शिक्षाको गुणस्तर उकास्नका लागि नगरपालिकाबाट शिक्षक र विद्यालय व्यवस्थापन समितिलाई तालिम र अभिमुखिकरणका कार्यक्रम ल्याउने प्रतिवद्धता व्यक्त गरे ।

कार्यापालिका सदस्य यशोदा पार्की, शिखर नगरपालिका वडा नं ३ का वडा सदस्य खडक बहादुर जोरा, उद्धव बहादुर मल्ल भगवती आधारभुत विद्यालयका प्राधानाध्यापक गणेश कठायत, जित जोरा, सामुदायिक विकास केन्द्र डोटीका अध्यक्ष हेमराज जोशी, स्थानीय तथा पत्रकारको सहभागिता रहेको थियो । स्थानीय तेज वहादुर जोरा, मनिराम भुलले विद्यालयको भौतिक संरचना, व्यवस्थापन समिति र शिक्षक दरबन्दी थप गर्नु पर्ने बताए । विद्यालय व्यवस्थापन समितिका अध्यक्ष मनिलाल जोराको अध्यक्षतामा कार्यक्रम सम्पन्न भएको थियो ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ पुष १५

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ पुष १५

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ पुष १५

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP