२०७८ श्रावण १७, आईतवार
August 1, 2021, Sunday

माध्यमिक तहका शिक्षकहरुका लागि पाँच दिने बृहत यौनिकता शिक्षा तालिमको आयोजना

डोटी- दिपायलमा माध्यमिक तहका शिक्षकहरुका लागि पाँच दिने बृहत यौनिकता शिक्षा तालिमको आयोजना गरिएको छ । नेपाल परिवार नियोजन संघले आयोजना गरेको उक्त तालिमको शनिबार एक कार्यक्रमका बीच उद्घाटन गरिएको छ ।

तालिमको उद्घाटन शिक्षा विकास निर्देशनालयका निर्देशक गणेश बहादुर सिंहले गरेका थिए । नेपाल परिवार नियोजन संघ डोटीका सभापति प्रेमा श्रेष्ठको सभापतित्वमा आयोजित तालिम उद्घाटन कार्यक्रममा शैक्षिक तालिम केन्द्र डोटीका प्रशिक्षक भिम पनेरु विषिष्ठ अतिथि रहेका थिए । स्वास्थ्य कार्यालयका प्रतिनिधि, पत्रकार लगाएतको सहभागिता रहेको कार्यक्रममा परिवार नियोजन संघ डोटीका कोषाध्यक्ष रघु कठायतले स्वागत मन्तव्य राखेका थिए ।

तालिममा अछाम जिल्लाका १४ वटा विद्यालयका २८ जना शिक्षक शिक्षिकाहरुको सहभागिता रहेको छ । सहभागिहरुलाई डा. भगवान अर्याल र परिवार नियोजन संघ दाङका शाखा प्रवन्धक बसन्त खनालले पाँच दिन सम्म प्रशिक्षण दिने जनाइएको छ ।

शिक्षा तथा मानव स्रोत विकास केन्द्रसंगको सहकार्य र संयुक्त राष्ट्रसंघीय जनसंख्या कोष नेपालको प्राविधिक सहयोगमा तालिमको आयोजना गरिएको हो । परिवार नियोजन संघ डोटीले यौनिकता शिक्षा सम्बन्धमा विगतमा पनि तालिमको आयोजना गर्दै आएको छ । कोभिडको महामारीका समयमा भर्चुअल माध्यमबाट पनि तालिम सञ्चालन गरिएको संघका अध्यक्ष प्रेमा श्रेष्ठले बताइन् ।

उद्द्दाटन कार्यक्रममा बोल्दै प्रमुख अतिथि सिंहले यौनिकता शिक्षाका विषयमा अझै पनि खुलेर अध्ययन अध्यापन गराउने र खुलेर कुरा गर्ने अवस्था नरेकाले तालिमले शिक्षकहरुलाई यौनिक शिक्षका विषयमा अध्ययन गराउन सहज हुने बताए । उनले यौनिकता शिक्षा पाठ्यक्रममा नै समावेस भएका कारण यस्ता तालिम सबै शिक्षक शिक्षकहरुका लागि आवस्यकरहेको बताए ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ चैत्र ७

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ चैत्र ७

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ चैत्र ७

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP