२०७८ श्रावण १७, आईतवार
August 1, 2021, Sunday

बलात्कार, हत्या अभियोगी किशोरले खाए तीन जना प्रहरीको जागिर

बलात्कार, हत्या अभियोगी किशोरले खाए तीन जना प्रहरीको जागिर

डोटी । बलात्कार, हत्या अभियोगी किशोरका कारण तीनजना प्रहरीले जागिर गुमाउनु परेको छ । बझाङकी १२ वर्षीया बालिका बलात्कारपछि हत्या गरेको अभियोगमा पक्राउ परेर पुर्पक्षका लागि कारागार चलान भएका राजेन्द्र बोहरा फरार भएपछि तीनजना प्रहरी निलम्बनमा परेका हुन् ।

कोरोना पुष्टि भएपछि डोटी अस्पतालको आइसोलेसनमा रहेका उनी गएराति १२ बजे भागेका थिए । फरारपछि खोजी तीव्र पारिएकोमा उनलाई आज बिहान ७ बजे पक्राउ गरिएको सुदूरपश्चिम प्रदेश प्रहरी प्रमुख डीआईजी उत्तम सुवेदीले जानकारी दिए ।

आइसोलेसनमा उनको निगरानीका लागि खटिएका तीन जना प्रहरीलाई निलम्बन गरिएको डीआईजी सुवदीले जानकारी दिए ।

राजेन्द्रले बझाङ मष्टा गाउँपालिकाकी १२ वर्षीया बालिका सम्झना कामीको बलात्कार पछि हत्या गरेका थिए । उनको गत ७ असोजमा हत्या भएको थियो । गोठमा गाईवस्तुलाई घाँस हाल्न हिँडेकी उनको शव स्थानीय शिव मन्दिरभित्र फेला परेको थियो ।

हत्यापछि घटनामा संग्लनको तीव्र खोजि गरिएकोमा प्रहरीले बोहरालाई १३ असोजमा सार्वजनिक गरेको थियो ।त्यसअघि मष्टाकै १४ वर्षीया बालिकामाथि समेत जबरजस्तीकरणी गरेको घटना सार्वजनिक भएको थियो । सो घटनामा गाउँमै मिलापत्र गराएका थिए ।

फरार रहेका बोहरालाई पूर्वीचौकी गाउँपालिकाको सानागाँउबाट पुनः पक्राउ गरिएको छ ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ मंसिर १९

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ मंसिर १९

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ मंसिर १९

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP