लागु औषध सहित ४ जना पक्राउ

दिपायल- कैलाली र कञ्चनपुर जिल्लाबाट ४ जना लागु औषध सहित पक्राउ परेका छन् । कैलाली जिल्लाबाट दुई जना र कञ्चनपुर जिल्लाबाट दुई जना गरि ४ जना लागु औषधसहित पक्राउ गरिएको प्रहरीले जनाएको छ ।

धनगढी उप–महानगरपालिका –१२ पटरीघाटबाट ५ ग्राम ४३० मिलिग्राम अवैध लागु औषध खैरो हेरोईन जस्तो देखिने धुलो पदार्थ सहित धनगढी उप–महानगरपालिका–१२ का १८ वर्षीय किशोर र वडा नं. ३ का १८ वर्षीय किशोरलाई सोमबार साँझ हरीले पक्राउ गरेको हो ।

अस्थायी प्रहरी पोष्ट जुगेडाबाट खटिएको प्रहरी टोलीले शंका चेकजाँच गर्दा निजहरुको साथबाट उक्त पदार्थ फेला पारेको थियो । प्रहरीले उनीहरुले प्रयोग गरेको एक मोटरसाईकल पनि मरामद गरेको छ ।घटना सम्बन्धमा प्रहरीले थप अनुसन्धान गरिरहेको जनाएको छ ।

त्यस्तै, उता कञ्चनपुरको भिमदत्त नगरपालिका–७ हल्दुखालबाट ०.२७ ग्राम अवैध लागु औषध खैरो हेरोईन जस्तो देखिने धुलो पदार्थ सहित सोही ठाउँका २९ वार्षीयसन्तोष जाग्री र तिलकपुरबाट ०.९४ ग्राम लागु औषध खैरो हेरोईन सहित सोही ठाउँका २७ वर्षीय निराजन बोहरालाई
पक्राउ गरिएको प्रहरीले जनाएको छ । उनीहरुलाई सोमबार साँझ लागु औषध नियन्त्रण व्युरो शाखा कार्यालय कञ्चनपुरबाट खटिएको प्रहरी टोलीले पक्राउ गरेको हो ।