२०७८ श्रावण १४, बिहीबार
July 29, 2021, Thursday
बझाङ युवक हत्या प्रकरण

वडाध्यक्षको सरकारी मोटरसाइकलमा सवार ब्यक्तिले सिंहको हत्या गरेको खुलासा

बझाङ- विद्यालय व्यवस्थापन समितिको विवाद पछि युवकको विभत्स हत्या गरिएको घटनामा वडा अध्यक्षको सरकारी मोटरसाइकलन प्रयोग भएको खुलेको छ । बझाङ प्रहरीका अनुसार छबिसपाथिभेरा गाउँपालिका– ३ का अमृत सिंहको खुँडा प्रहार गरी हत्या गर्ने युवाहरुले सोही गाउँपालिकाको वडा नं. २ का वडाध्यक्ष विकास ऐडी चढ्ने मोटरसाइकलन प्रयोग गरेको खुलेको हो ।

हत्यामा संलग्न ब्यक्ति गाउँपालिकाको वडा नं. २ का ज्ञानबहादुर कडाय र प्रकाश ऐडीले उक्त मोटरसाइकल प्रयोग गरेको पाइएको जिल्ला प्रहरी कार्यालयका प्रमुख प्रहरी नायब उपरीक्षक रुपक खड्काले बताए । उनले हत्या प्रकरणमा स्वयंम वडाध्यक्ष समेत शंकाको घेरामा रहेकाले थप अनुसन्धान भैरहेकोे बताए । वडाध्यक्षको मोटरसाईकलमा खुँडासहित आएका उनीहरुले सिंहको हत्या गरेको स्थानीयहरु बताउँछन् ।

तत्कालीन नेकपा एमालेबाट निर्वाचित वडाध्यक्ष ऐडी अहिले प्रचण्ड–नेपाल समूहमा रहेको बताइन्छ । हत्यामा संलग्न वडाध्यक्षका भाइ नाता पर्ने प्रकाश ऐडी फरार रहेको र ज्ञानबहादुर कडायलाई मंगलबार नै पक्राउ गरिएको प्रहरीले जनाएको छ ।

गाउँपालिकाको वडा नं. ३ स्थित बन्नीचौर माध्यमिक विद्यालयको व्यवस्थापन समितिको चुनावमा नेपाल कम्युनिष्ट पार्टी निकट उम्मेदवार गजेन्द्र धामी काँग्रेस निकट उम्मेदवार लोेकेन्द्र बोहरासँग पराजीत भएपछि विवाद भएको थियो । चुनाव सकेर घर फर्किने क्रममा विवाद भएपछि सिंहको हत्या भएको प्रहरीले जनाएको छ । घटानामा विजयी विव्यस अध्यक्ष बोहरा निकटका सिंहको हत्या भएको हो ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ माघ १४

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ माघ १४

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ माघ १४

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP