२०७७ फाल्गुन २४, सोमबार
March 8, 2021, Monday
सरकारी अनुदानको दुरुपयोग

कृषि उपज संकलन केन्द्रमा नेकपा नेताको मदिरा पसल

मदिरा तथा खाजा पसल सञ्चालन गरिएको कृषि उपज संकलन केन्द्र / तस्विर : स्थानीय

डोटी- कृषि उपज संकलनका लागि निर्माण गरिएको भवनमा नेकपा नेताले मदिरा तथा खाजा पसल सञ्चालन गरेका छन् । नेकपाका जिल्ला कार्य समिति सदस्य जङ्ग बहादुर खड्का (गणेश) ले मदिरा तथा खाजा पसल सञ्चालन गरेको स्थानीयले गुनासो गरेका छन् ।

आदर्श गाउँपालिका वडा नं. १ चासीमा साविको जिल्ला कृषि कार्यालय मार्फत सञ्चालीत प्रधानमन्त्री कृषि आधुनिकीकरण परियोजना अन्तरग तीन लाखको लगानीमा बनेको संकलन केन्द्रमा मदिरा कारोबार हुने गरेको स्थानीयले बताएका छन् ।

स्थानीयले पसलमा मदिरा बिक्रि वितरण हुँने गरेको भन्दै आपत्ति जनाएका छन् । स्थानीयका अनुसार संकलन केन्द्रमा दशैं तिहार लगायतका चाडपर्व तथा अन्य समयमा जुवा तास समेत खेलाउने गरिएको छ ।

स्थानीयहरुले आदर्श गाउँपालिकाको कृषि शाखामा समेत संकलन केन्द्रमा मदिरा बिक्रिवितरण भैरहेको गुनासो गरेको कृषि शाखाका कर्मचारी खेम पाठकले बताए । जनगुनासो पछि सम्बन्धित ब्यक्तिलाई सम्पर्क गरेर सोधपुछ गर्नुका साथै मौखिक रुपमा त्यसो नगर्न भनेको पाठकले बताए ।

गाउँपालिका कृषि शाखा प्रमुख चक्र बहादुर भाँटले संकलन केन्द्रमा मदिरा पसल सञ्चालन गरेको जानकारी प्राप्त भएकाले संकलन केन्द्रको अनुदान लगातका बिषयमा खोजनीति गरेर अध्ययन अनुगमन गरिने बताए । उनले आफु शाखामा भरकरै आएकाले त्यो कार्यक्रम कहाँबाट सञ्चालन भएको हो भन्ने बारे पुर्ण जानकारी नभएको बताए ।

स्थानीयले तीन बर्ष अघि संकलन केन्द्र स्थापनाका लागि साविकको जिल्ला कृषिबाट तीन लाख अनुदान आएकोमा दुई लाखका भवन निर्माण गरिएको र एक लाखको तालिम सञ्चालन भनेर एउटा कार्यक्रम गरेर रकम हिनामिना भएको आरोप समेत लगाएका छन् ।

संकलन केन्द्र प्रगतिशिल कृषक समुह मार्फत निर्माण भएको र त्यसको अध्यक्ष आफु नै भएको मदिरा तथा खाजा पसल सञ्चालक जङ्ग बहादुर खड्का (गणेश)ले बताए । खड्काले शिखर समाचारसँगको कुराकानिमा आफुले संकल केन्द्रमा खाजा पसल सञ्चालन गरेको स्वीकार गरेका छन् । ‘संकलन केन्द्रको भवन मेरै जमिनमा बनेकोमा छ त्यसैले मैले स्यानो खाजा पसल सञ्चालन गरेको छु, खड्काले भने,‘नजिकै मदिरा पसल छ कहिले काँही त्याबाट ल्याएर ग्राहकहरुले खाने गरेका छन्, मदिरा बिक्रि ग¥यो भनेर रिसिविका आधारमा अरुले भनेको होला ।’

मदिरा तथा खाजा पसल सञ्चालन गरिएको कृषि उपज संकलन केन्द्र / तस्विर : स्थानीय

तर स्थानीयहरुले तरकारी तथा अन्य कृषि उपज संकलन तथा बिक्रि वितरणका लागि सबै गाउँलेहरु बसेर कृषि समुहलाई जमिन दिने गरी भवन निर्माण गरिएको बताउँदै आएका छन् । गाउँमा भएको तरकारी उत्पादन संकलन केन्द्रमा संकलन नगरेपछि उत्पादकहरु आफै बजार गएर तरकारी बिक्रि गर्ने गरेका छन् । संकलन केन्द्रमा मदिरा पसल सञ्चालन नगरेर स्थानीय उत्पादनको बजारिकणका लागि भवनको उपयोग हुनुपर्ने स्थानीयको माग छ ।

Related News

सरकार र विप्लव समूहबीच तीन बुँदे सहमतिपत्रमा हस्ताक्षर
सरकार र विप्लव समूहबीच तीन बुँदे सहमतिपत्रमा हस्ताक्षर
  • २०७७ आश्विन ५

काठमाडौं । सरकार र नेत्रविक्रम चन्द ‘विप्लव’ नेतृत्वको नेकपाबीच भएको सहमतिमा हस्ताक्षर भएको छ । काठमाडौंको राष्ट्रिय सभागृहमा प्रधानमन्त्री केपी...

पत्रकार स्वारद्वार जन्मदिनमा अक्षय कोष स्थापनाका लागि सहयोग
पत्रकार स्वारद्वार जन्मदिनमा अक्षय कोष स्थापनाका लागि सहयोग
  • २०७७ आश्विन ५

डोटी– सुदूरपश्चिमका पत्रकार मनमोहन स्वारले तेजु स्मृति अक्षय कोष स्थापनाका लागि सहयोग गरेकाछन् । नेपाल प्रेस युनियनका केन्द्रीय उपाध्यक्ष, नेपाल...

होटल व्यवसायी संघ डोटीद्वारा वनभोज कार्यक्रमको आयोजना
होटल व्यवसायी संघ डोटीद्वारा वनभोज कार्यक्रमको आयोजना
  • २०७७ आश्विन ५

डोटी- होटल व्यवसायी संघ डोटीले वनभोज कार्यक्रम आयोजना गरेको छ । होटल व्यवसायी संघको स्थापना दिवसको अवसर पारेर वनभोज कार्यक्रमको...

TOP