२०८१ असार ३०, आईतवार
July 14, 2024, Sunday

दुध आयात पूर्ण रुपमा रोक्न नेपाल किसान महासंघ कैलालीको माग

धनगढी । भारतबाट दुध आयातलाई पूर्ण रुपमा रोक्नुपर्ने नेपाल किसान महासंघ कैलालीले माग गरेको छ ।

बिहिबार कैलाली प्रमुख जिल्ला अधिकारीमार्फत प्रधानमन्त्री तथा मन्त्रीपरिषदको कार्यालयलाई ज्ञापनपत्र बुझाउँदै भारतबाट दुध आयात भइरहेको भन्ने विषयमा प्रभावकारी अनुगमन, छानविन गरि आयात बन्द गर्नुपर्ने माग गरेको हो ।

नेपालमा खोरेत रोग मुक्त घोषणा गरि दुध तथा दुग्धजन्य उत्पादनहरु अन्तराष्ट्रिय बजारमा निर्यात गर्ने व्यवस्था गर्नुपर्ने, नेपालमा सबै किसिमका दुग्ध पदार्थहरुको आन्तरिक खपत आन्तरिक उत्पादनबाटै गर्ने अनिवार्य व्यवस्था गर्नुपर्ने जिल्ला अध्यक्ष प्रकाशबहादुर थापाले बताए ।

उनले भने –‘पाउडर दुध उत्पादन गर्ने मिलहरु पूर्ण क्षमतामा सञ्चालन गरि उत्पादित कच्चा दुग्ध सबै खपत गरिनुपर्छ । नेपाली किसानद्धारा उत्पादित सम्पूर्ण दुध खरिद गरि मिल्क होडिे सधैका लागि अन्त गर्नुपर्छ ।’

महासंघले दुग्ध किसानको दुधको वक्यौता रकम तुरुन्त भुक्तानी गर्नुपर्ने र दुध गरिद गरेको एक हप्ताभित्र किसानले भुक्तानी पाउने व्यवस्थाको सुनिश्चितता गर्नुपर्ने माग गरेको छ ।

अध्यक्ष थापले लम्पी स्किन रोगबाट पशुमा क्षति पुगेका किसानलाई तोकिए बमोजिमको राहत सहज र सरल विधिबाट यथाशिघ्र उपलब्ध गराउनुपर्ने बताए ।

Related News

सिमलताल पहिरो: तीन वटै शवको पहिचान
  • २०८१ जेष्ठ ३१

चितवन– नारायणी नदीमा शनिबार भेटिएका तीनवटै शवको परिचय खुलेको छ...

TOP